ആന്ധ്ര ബിരിയാണി

കോഴി ഒരു കിലോ
ബസ്മതി അരി ഒരു കിലോ
ശുദ്ധി ചെയ്ത എണ്ണ 250  മില്ലി
സവാള അരിഞ്ഞത് ഒരു കിലോ
പച്ചമുളക്   നെടുകെ പിളര്‍ന്നത് 15  എണ്ണം
കറുവാപ്പട്ട 5  ഗ്രാം
ഏലക്ക 5  ഗ്രാം
ഗ്രാമ്പൂ 5  ഗ്രാം
ഇഞ്ചി, വെളുത്തുള്ളി   സമം അരച്ചത്‌ ഒരു ടേബിള്‍ സ്പൂണ്‍
തക്കാളി അരിഞ്ഞത് 500  ഗ്രാം
തൈര് അടിച്ചത് ഒരു കപ്പ്‌
ഉപ്പ് പാകത്തിന്
വെള്ളം രണ്ടു ലിറ്റര്‍

പാകം ചെയ്യുന്ന വിധം

കോഴി 50  ഗ്രാം പീസായി മുറിക്കണം. അരി നേരത്തെ തന്നെ വെള്ളത്തില്‍ അര മണിക്കൂര്‍ കുതിര്‍ത്തു വെക്കുക. പാത്രത്തില്‍ മേല്‍പ്പറഞ്ഞ അളവിലുള്ള എണ്ണ നന്നായ്   ചൂടായ ശേഷം സവാള നന്നായ് വഴറ്റുക. ഒപ്പം പച്ചമുളക് കറുവപ്പട്ട, ഏലക്ക, ഗ്രാമ്പൂ എന്നിവയും ചേര്‍ത്ത് നന്നായി ഇളക്കുക. ഉള്ളി ചുവന്നു വരുമ്പോള്‍   ഇഞ്ചി, വെളുത്തുള്ളി അരച്ചത്‌ തക്കാളി എന്നിവയിട്ട് നന്നായി ഇളക്കുക. അതിനുശേഷം കോഴി കഷണങ്ങളിട്ടു തൈരും ആവശ്യത്തിനുപ്പും ചേര്‍ത്ത് ചെറിയ തീയില്‍ പകുതി വേവില്‍ വേവിച്ചെടുക്കുക. കുതിര്‍ത്ത അരിയും ആവശ്യത്തിന്‌ വെള്ളവും ചേര്‍ത്ത് ( ഏകദേശം രണ്ടു ലിറ്റര്‍) നന്നായി ഇളക്കി ചെറിയ തീയില്‍ നല്ലത് പോലെ അടചു വെച്ച് അരി വേവിച്ചെടുക്കുക.

കച്ചേ ഗോഷ്ട് കി ബിരിയാണി

1.  ഇളം  ആട്ടിറച്ചി ഒരു കിലോ

2.  ബസുമതി അരി ഒരു കിലോ

3.  പച്ചമുളക് ( നെടുകെ കീറിയത്) 20  ഗ്രാം

പുതിനയില അരിഞ്ഞത് 15  ഗ്രാം

മല്ലിയില അരിഞ്ഞത് 15  ഗ്രാം

പുളിയുള്ള തൈര് 400  ഗ്രാം

4.  പാല്‍ 100  മില്ലി

കുങ്കുമപ്പൂവ്   ഒരു നുള്ള്

5.  ഇഞ്ചി ചതച്ചത് 15  ഗ്രാം

വെളുത്തുള്ളി ചതച്ചത്   15  ഗ്രാം

6.  കറുവാപട്ട 5  ഗ്രാം

ഗ്രാമ്പൂ 5  ഗ്രാം

ഏലക്ക 5  ഗ്രാം

ഇടനയില   ( ബേ ലീഫ് ) ഉണക്കിയത് രണ്ടു

സാജീരകം 3  ഗ്രാം

നെയ്യ് 100  ഗ്രാം

7.  മുളക് പൊടി ൧൦ ഗ്രാം

ഉപ്പ്‌ പാകത്തിന്

സവാള വറുത്തത് 75  ഗ്രാം

8.  വെള്ളം 5  ലിറ്റര്‍

9.  മൈദാ മാവ് കുഴച്ചത് 250  ഗ്രാം

പാകം ചെയ്യുന്ന വിധം

ആട്ടിറച്ചി കഴുകി വെള്ളം വാലാന്‍ വെക്കുക. അരി കഴുകി വൃത്തിയാക്കി തണുത്ത വെള്ളത്തില്‍ 20  മിനിട്ട് കുതിര്‍ത്തു വെക്കുക. തൈര് നന്നായി അടിച്ച ശേഷം മൂന്നാമത്തെ ചേരുവകളില്‍ ബാക്കിയുള്ളതും ചേര്‍ത്തിളക്കി മാറ്റി വെക്കുക. പുതിനയുടെയും മല്ലിയുടെയും   വേര് കളയാതെ എടുത്തു വെക്കണം. കുങ്കുമപ്പൂ  പാലില്‍ കലക്കി ചെറുതായി ചൂടാക്കി മാറ്റി വെക്കുക. തൈര് അടിച്ചതും ഇഞ്ചിയും വെളുത്തുള്ളി  ചതച്ചതും ആറാമത്തെ ചേരുവകളുടെ പകുതിയും ഏഴാമത്തെ ചേരുവകളും ഇറച്ചിയില്‍ പുരട്ടി 30  മിനിട്ട് വെക്കുക. അടി കട്ടിയുള്ള പാത്രത്തില്‍ 5  ലിറ്റര്‍ വെള്ളം ചൂടാക്കി ബാക്കിയുള്ള ഗരം മസാല ചേര്‍ക്കുക. എടുത്തു വെച്ചിരിക്കുന്ന പുതിനയുടെയും മല്ലിയുടെയും വേര് ഒരു തുണിയില്‍ കെട്ടി അടുപ്പിലിരിക്കുന്ന വെള്ളത്തിലിട്ടു മൂടിവെക്കുക. വെള്ളം തിളക്കുമ്പോള്‍ അരിയിട്ട്   പാതി വേവാകുമ്പോള്‍ ഊറ്റുക    . അടി കട്ടിയുള്ള പാത്രത്തില്‍ പുരട്ടി വെച്ചിരിക്കുന്ന മട്ടന്‍ നിരത്തുക, കുങ്കുമപ്പൂ കലക്കി വെച്ചിരിക്കുന്ന പാലില്‍ പകുതി, ഇതില്‍ തളിക്കണം. അതിനുമുകളില്‍ ചോറും നിരത്തി ബാക്കി പാലും തളിക്കുക. ബാക്കിയുള്ള നെയ്യും ഇതില്‍ ഒഴിച്ച് പാത്രം അടച്ചു കുഴച്ചു വെച്ചിരിക്കുന്ന മൈദാ മാവ് കൊണ്ടു ഒട്ടിച്ചു പാത്രം   ചെറിയ തീയില്‍   വെക്കുക. ആവി വരുമ്പോള്‍ അല്പം കനല്‍ അടുപ്പിനു മുകളിളിടുക 45  മിനിട്ടിനുശേഷം അടപ്പ് മാറ്റി ചൂട്ടൊടെ   വിളമ്പുക.

എഗ്ഗ് ബിരിയാണി

ഓംലെറ്റിന്  

1. കോഴിമുട്ട മൂന്ന്
2. സവാള ചെറുതായി മുറിച്ചത് രണ്ട്
3. പച്ചമുളക് രണ്ട്
4. തേങ്ങ ചിരകിയത് രണ്ട് ടേബിള്‍ സ്പൂണ്‍
5. മുളക് പൊടി കാല്‍ ടീസ്പൂണ്‍
6. മഞ്ഞള്‍ പൊടി ഒരു നുള്ള്
7. ഉപ്പ്‌ പാകത്തിന്

മസാലക്ക്

1. സവാള 200  ഗ്രാം
2. പച്ച മുളക് നാല്
3. പുഴുങ്ങിയ മുട്ട നാല്
4. ഇഞ്ചി 25  ഗ്രാം
5. വെളുത്തുള്ളി രണ്ട് ചുള
6. തക്കാളി നൂറു ഗ്രാം
7. എണ്ണ അര കപ്പ്‌
8. ചെറു നാരങ്ങ ഒന്ന്
9. മല്ലിയില ആവശ്യത്തിന്
10. ഗരം മസാല പൊടി ഒരു ടീസ്പൂണ്‍
11. ഉപ്പ്‌ പാകത്തിന്

ചോറിന്

1. ബിരിയാണി അരി അര കിലോ
2. സവാള ചെറുതായി അരിഞ്ഞത് ഒന്ന്
3. കറുവാപട്ട ( ഒരിഞ്ചു നീളം) നാല്
4. ഗ്രാമ്പൂ നാല്
5. ഏലക്ക നാല്
6. പച്ചമുളക് നാല്
7. ഇഞ്ചി നാല് കഷണം
8. വെളുത്തുള്ളി ആറ് ചുള
9. നെയ്യ് കാല്‍ കപ്പ്‌
10. ഉപ്പ്‌ പാകത്തിന്

പാകം ചെയ്യുന്ന വിധം
മൂന്നു മുട്ട നന്നായി അടിച്ചു ഓംലെറ്റിന് ആവശ്യമായ സാധനങ്ങള്‍ ചേര്‍ക്കണം. ഫ്രയിംഗ് പാനില്‍ എണ്ണയൊഴിച്ച് ചൂടാകുമ്പോള്‍ മുട്ട കൂട്ടിന്റെ പകുതി ഒഴിക്കണം. വെന്താല്‍ ചുരുട്ടിയെടുത്ത്‌ ഓം ലേറ്റ് ഉണ്ടാക്കുക  . ബാക്കി   മുട്ട കൂട്ട് കൊണ്ടു ഇതുപോലെ ഒന്ന് കൂടി ഉണ്ടാക്കി രണ്ടിഞ്ചു കഷണങ്ങളാക്കി മുറിച്ചെടുക്കണം. പിന്നീട് വെളുത്തുള്ളി, ഇഞ്ചി, പച്ചമുളക് എന്നിവ ചതചെടുക്കണം. ഉള്ളി നേരമായി അരിഞ്ഞു ചൂടാക്കിയ എണ്ണയിലിട്ടു മൂപ്പിക്കുക. ശേഷം ചതച്ചു വെച്ച വെളുത്തുള്ളി, ഇഞ്ചി, പച്ചമുളക് എന്നിവ ചേര്‍ത്ത്   നല്ല മണം വരുന്നത് വരെ വഴറ്റണം. തക്കാളി ചേര്‍ത്ത ശേഷം ഒന്ന് കൂടി വഴറ്റി ശേഷിച്ച സാധനങ്ങളും ഓംലെറ്റ്‌   കഷണങ്ങളും ചേര്‍ത്ത് അടുപ്പില്‍ നിന്നും ഇറക്കണം തുടര്‍ന്ന് അരി നന്നായി കഴുകി വെള്ളം വാലാന്‍ വെക്കണം. വെളുത്തുള്ളി, ഇഞ്ചി, പച്ചമുളക് എന്നിവ അരക്കണം. എണ്ണ ചൂടാകുമ്പോള്‍ ഉള്ളിയും ഗരം മസാലയും ചേര്‍ത്ത് ഇളക്കണം. പിന്നീട്   അരച്ച ചേരുവകള്‍ കൂടെ ചേര്‍ത്ത് നല്ല മണം വന്നാല്‍ അരി ചേര്‍ത്ത് അഞ്ചു മിനിട്ട് കൂടി ഇളക്കി ആവശ്യത്തിനു ചൂട് വെള്ളവും ഉപ്പും ചേര്‍ത്ത് വേവിക്കണം. ചോറ് വെന്തു കഴിഞ്ഞാല്‍ അതിന്റെ പകുതി മറ്റൊരു പാത്രത്തിലേക്ക് മാറ്റണം  . തയ്യാറാക്കിയ മുട്ട മസാല ചെമ്പിലുള്ള ചോറിലിട്ടു അതിനുമീതെ പാത്രത്തിലെ ചോറും ഇടണം. തുടര്‍ന്ന് നല്ല മുറുക്കമുള്ള മൂടികൊന്ടു അടച്ചു അഞ്ചു മിനിട്ട് ചെറുതീയില്‍ വെച്ച ശേഷം ഇറക്കണം. വിളംബുന്നതിനു മുന്പായി ചോറും മസാലയും കൂട്ടി ചേര്‍ക്കണം. പുഴുങ്ങിയ മുട്ട ചോറ് വിളമ്പിയ പ്ലെയിറ്റിനു   മുകളില്‍ വെച്ച് അലങ്കരിക്കാം.

ഫിഷ്‌ ബിരിയാണി

1. നല്ല ദശയുള്ള മേല്‍ത്തരം മത്സ്യം കഷണങ്ങളാക്കിയത്   അര കിലോ
2. സവാള അരിഞ്ഞത് രണ്ട്
3. ഇഞ്ചി ചതച്ചത് ഒരു കഷണം
4. ഉള്ളി ഒന്നര കപ്പ്
5. പച്ച മുളക് 50  ഗ്രാം
6. പൊടിച്ച മസാലകൂട്ട്   ഒരു ടീസ്പൂണ്‍
7. പെരുംജീരകം ഒരു ടീസ്പൂണ്‍
8. ഉപ്പ്‌ പാകത്തിന്
9. മുളകുപൊടി അര ടീസ്പൂണ്‍
10. മഞ്ഞള്‍ പൊടി അര ടീസ്പൂണ്‍
11. ബിരിയാണി അരി രണ്ടു കിലോ
12. നെയ്യ് ആവശ്യത്തിന്
13. തേങ്ങ ഒരു മുറി
14. ചെറു നാരങ്ങ ഒരെണ്ണം
15. തൈര് അര കപ്പ്‌

പാകം ചെയ്യുന്ന വിധം

മീന്‍ കഷണങ്ങളില്‍ നിന്ന് വെള്ളം നന്നായി വാര്‍ന്ന ശേഷം 8 ,9 ,10  ചേരുവകള്‍ അവയില്‍ പുരട്ടി വെക്കണം. പിന്നീട്    അധികം     മൂക്കാത്ത   വിധം ഇവ വറുത്തു കോരണം. 3 ,4 ,5  ചേരുവകള്‍ ചതച്ചു മല്ലിയില ചേര്‍ത്ത് തൈരില്‍ കലക്കണം. തുടര്‍ന്ന് ഉപ്പും സവാള വറുത്തതും ചേര്‍ക്കണം. ഇതിനു മീതെ മീന്‍ കഷണങ്ങള്‍ നിരത്തി കുറച്ചു വെള്ളമൊഴിച്ച് പത്തു മിനിട്ട് വേവിക്കണം. ഒരു പാത്രത്തില്‍ അരി പകുതി വേവാകുമ്പോള്‍ വെള്ളം വാലാന്‍ വെക്കണം. വെള്ളം വാര്‍ന്നു കഴിഞ്ഞ ശേഷം തേങ്ങാപാല്‍, മസാലപൊടി, പെരുംജീരകം പൊടിച്ചത്, നാരങ്ങ നീര് എന്നിവ ചേര്‍ത്ത് പത്തു മിനിട്ട് വേവിക്കണം. ആദ്യം ചോറ് അതിനു മീതെ മീന്‍ മസാല, വീണ്ടും ചോറ് എണ്ണ ക്രമത്തില്‍ വിളമ്പി ചൂട്ടോടെ ഭക്ഷിക്കാം.

ചെമ്മീന്‍ ബിരിയാണി

1. തൊലി കളഞ്ഞു വൃത്തിയാക്കിയ ചെമ്മീന്‍ 250  ഗ്രാം
2. ബിരിയാണി അരി 200  ഗ്രാം
3. എണ്ണ 100  ഗ്രാം
4. നെയ്യ്  50 ഗ്രാം
5. സവാള കനം കുറച്ചു അരിഞ്ഞത് 100  ഗ്രാം
6. മല്ലിയില 10  gram     
7. പച്ചമുളക് 25  ഗ്രാം
8. മല്ലിപൊടി 1  ടീസ്പൂണ്‍
9. ഗരം മസാല പൊടി 1/2 ടീസ്പൂണ്‍
10. മുളകുപൊടി 1 /2  ടീസ്പൂണ്‍
11. മഞ്ഞള്‍പൊടി 1 /2  ടീസ്പൂണ്‍
12. ചെറുനാരങ്ങ നീര് പകുതി നാരങ്ങയുടെ
13. ഇഞ്ചി രണ്ടു കഷണം
14. ഉപ്പ് പാകത്തിന്

പാകം ചെയ്യുന്ന വിധം

ചെമ്മീനില്‍    മസാല പുരട്ടി വെക്കണം, അര മണിക്കൂറിനു     ശേഷം ചെമ്മീന്‍   എണ്ണയില്‍ പൊരിച്ചു കോരിയെടുക്കണം. ബാക്കി   വരുന്ന എണ്ണയില്‍ ഉള്ളി മൂപ്പിചെടുക്കണം. തുടര്‍ന്ന്   അരച്ച മസാലയിട്ട്   മൂപ്പിച്ച  ഉപ്പും മല്ലി പൊടിയും പാകത്തിന് വെള്ളവും ചേര്‍ത്ത് വേവിക്കണം. വെള്ളം വറ്റി വരുമ്പോള്‍ പൊരിച്ചു കോരിയെടുത്ത   ചെമ്മീന്‍ അതിലിടണം . ഇതിനോടൊപ്പം 6 ,9 ,12  ഇനങ്ങള്‍ ചേര്‍ത്ത് ഇളക്കണം. നന്നായി യോജിപ്പിച്ച ശേഷം വാങ്ങി വെക്കാം. പിന്നീട് ഒരു പാത്രത്തില്‍ നെയ്യ്  ചൂടാക്കി   ഉള്ളി മൂപ്പിചെടുക്കണം. അതില്‍ കഴുകി വൃത്തിയാക്കിയ അരിയിട്ട് ഇളക്കണം. മൂക്കുമ്പോള്‍ തിളച്ച വെള്ളമൊഴിച്ച് കൊടുക്കണം. ശേഷം പാത്രം ഭദ്രമായി മൂടി ചെറുതീയില്‍ വേവിച്ചെടുക്കണം. അരി വെന്ത് വെള്ളം വറ്റിയ ശേഷം ചോറ് പകുതി മാറ്റി വെക്കണം. ബാക്കി   പകുതിയില്‍ ചെമ്മീന്‍ മസാലകള്‍ നിരത്തിയിട്ട്‌  അതിനുമുകളില്‍ മാറ്റിവെച്ച ചോറ് നിരത്തണം. പിന്നീട്   ഒരു പാത്രം കൊണ്ട് മൂടി ചെറുതീയില്‍ കുറച്ചു നേരം വെക്കണം. ഇനി വാങ്ങി  വെക്കാം.

വെജിടബിള്‍ ബിരിയാണി

1. ബിരിയാണി അരി ഒരു കിലോ
2. അണ്ടി പരിപ്പ്, ഉണക്ക മുന്തിരി 50 ഗ്രാം വീതം
3. ഗ്രീന്‍ പീസ്‌, കാരറ്റ്, കാബാജ്, തക്കാളി, കോവക്ക, കോളി ഫ്ലവര്‍, ബീന്‍സ് എന്നിവ വൃത്തിയാക്കിയ ശേഷം അരിഞ്ഞത് 200  ഗ്രാം വീതം
4. പച്ച മുളക് നാലെണ്ണം
5. ഇഞ്ചി ഒരു കഷണം
6. കറിവേപ്പില, മല്ലിയില അരിഞ്ഞത് ആവശ്യത്തിനു
7. മാസലകൂട്ടുകള്‍ എല്ലാം കൂടി അരചെടുത്തത് ഒരു ടേബിള്‍ സ്പൂണ്‍
8. സവാള അരിഞ്ഞത് രണ്ടെണ്ണം
9. നെയ്യ ഒരു കപ്പ്‌
10. തേങ്ങ രണ്ടെണ്ണം
11. ഉപ്പ്‌ പാകത്തിന്

പാകം ചെയ്യുന്ന വിധം

നീളത്തില്‍ അരിഞ്ഞ സവാള വറുത്തു വെക്കണം. രണ്ടു തേങ്ങയുടെ കുറുകിയ തനി പാല്‍ വേറെ വെക്കണം. രണ്ടാം പാലില്‍ 3 ,4 ,5 ,6 , 7  ചേരുവകള്‍ ഇട്ടു വേവിക്കണം. മുക്കാല്‍ വേകുമ്പോള്‍     മുക്കാല്‍ വെന്ത ചോറ് മേല്‍ ചേരുവയായി ചേര്‍ത്ത് തുടരെ ഇളക്കണം. നേരെത്തെ വേറെ  മാറ്റി വെച്ച തനി പാലില്‍ അളവില്‍ പറഞ്ഞ അണ്ടി പരിപ്പിന്റെ പകുതിയെടുത്ത് അരച്ചതും ഉപ്പും ചേര്‍ത്ത് ചോറിലോഴിച്ചു വീണ്ടും ഇളക്കണം, ശേഷം വറുത്തുവെച്ച സവാള മുകളില്‍ നിരത്തി ഒരു സ്പൂണ്‍ നെയ്യൊഴിച്ച് ഉണക്ക മുന്തിരിയും ശേഷിച്ച അണ്ടി പരിപ്പും വറുത്തു വിതരണം. ഒടുവിലായി തട്ടി പൊത്തി മൂടി വെക്കണം.

ചിക്കന്‍ ബിരിയാണി

1. കോഴി ഒരു കിലോ
2. ബിരിയാണി അരി ഒരു കിലോ
3. സവാള നീളത്തില്‍ അരിഞ്ഞത് രണ്ടു കപ്പ്‌
4. ഇഞ്ചി രണ്ടിഞ്ചു നീളത്തില്‍ ഒരു കഷ്ണം
5. വെളുത്തുള്ളി 15 അല്ലി
6. പച്ചമുളക് 7  എണ്ണം
7. കുരുമുളക് പൊടി അര ടീസ്പൂണ്‍
8. മഞ്ഞള്‍ പൊടി അര ടീസ്പൂണ്‍
9. വെള്ളം 8 ഗ്ലാസ്‌
10. വനസ്പതി 8 ഡിസേര്‍ട്ട് സ്പൂണ്‍
11. നെയ്യ് നാല് ഡിസേര്‍ട്ട് സ്പൂണ്‍
12. ഏലക്ക,ഗ്രാമ്പൂ 8 എണ്ണം വീതം
13. കറുവാപട്ട ( ഒരിഞ്ചു നീളമുള്ള) നാള്‍ കഷണം
14. തക്കാളി അരിഞ്ഞത് നാല് കപ്പ്‌
15. സവാള കനം കുറച്ചു നീളത്തില്‍ അരിഞ്ഞത് നാല് കപ്പ്‌
16. മല്ലിയില പുതിനയില ഒരു പിടി വീതം
17. അണ്ടിപരിപ്പ്, കിസ്മിസ് അര കപ്പ്‌ വീതം
18. പാചക എണ്ണ ഒരു കപ്പ്‌
19. പുഴുങ്ങിയ മുട്ട ആറെണ്ണം
20. ടോമാടോ സോസ് രണ്ടു ടീസ്പൂണ്‍
21. ഉപ്പ് പാകത്തിന്

പാകം ചെയ്യുന്ന വിധം
കിസ്മിസ്,അണ്ടിപരിപ്പ്, രണ്ടു കപ്പ്‌ സവാള എന്നിവ എണ്ണയില്‍ വറുത്തു കോരി വേറെ വേറെ വെക്കണം. നാലുമുതല്‍ ഒന്‍പതുകൂടിയുള്ള ചേരുവകള്‍ ഇറച്ചിയില്‍ ചേര്‍ത്ത് പ്രഷര്‍ കുക്കറില്‍ മുക്കാല്‍ വേവ് വേവിക്കണം. തുടര്‍ന്ന്‍ അരി കഴുകി വാലാന്‍ വെക്കണം. പ്രഷര്‍ കുക്കറില്‍ നെയ്യും, വനസ്പതിയും കൂടി ഒഴിച്ച് ചൂടാക്കിയ ശേഷം ഗ്രാമ്പൂ, കറുവാപട്ട, ഏലക്ക, കനംകുറച്ചരിഞ്ഞ   നാല് കപ്പ്‌ സവാള എന്നിവ ചേര്‍ത്ത് വഴറ്റണം. നിറം മാറുന്ന പാകത്തില്‍ ഇറച്ചിയും തക്കാളിയും ഉപ്പും ചേര്‍ത്ത് വഴറ്റിയെടുക്കണം. ഇറച്ചി വെന്ത വെള്ളം ഉള്‍പടെയുള്ള അളവ് വെള്ളം ഒഴിച്ച് അരിയിടണം  . പിന്നീട്     മല്ലിയില പുതിന എന്നിവ വിതറി കുക്കറടക്കണം  ആവി വന്നു കഴിഞ്ഞാല്‍ കുക്കറിന്റെ  വെയിറ്റ്  ഇടണം. ആദ്യ വിസില്‍ കേള്‍കുമ്പോള്‍ തീ കുറക്കണം  . മൂന്ന് മിനിറ്റ് കഴിഞ്ഞു   തീ കെടുത്തിയ ശേഷം പത്തു മിനിറ്റു കഴിയുമ്പോള്‍ അടപ്പ് തുറക്കാവുന്നതാണ്.
ടോമാടോ സോസ്, മുട്ട വട്ടത്തിലരിഞ്ഞത്, വറുത്തു വെച്ച സവാള, അണ്ടി പരിപ്പ്, കിസ്മിസ് എന്നിവ കൊണ്ടു  ബിരിയാണി അലങ്കരിക്കാം.

മട്ടണ്‍ ബിരിയാണി

1. മട്ടന്‍  അര കിലോ
2. ബിരിയാണി അരി രണ്ടു കപ്പ്‌
3. മഞ്ഞള്‍ പൊടി അര ചെറിയ ടീസ്പൂണ്‍
4. വെളുത്തുള്ളി നീളത്തില്‍ അറിഞ്ഞത് ആര് അല്ലി
5. ഇഞ്ചി ഒരു ചെറു കഷണം
6. പച്ച മുളക് മൂന്നെണ്ണം   നീളത്തില്‍ അരിഞ്ഞത്‌
7. പട്ട രണ്ടു ചെറിയ കഷണം
8. ഗ്രാമ്പൂ ആറെണ്ണം
9. ഏലക്ക അഞ്ചെണ്ണം
10. അണ്ടി പരിപ്പ് 25 ഗ്രാം
11. കിസ്മിസ് 25 ഗ്രാം
12. സവാള മൂന്നെണ്ണം
13. തേങ്ങ പാല്‍ മൂന്നു കപ്പ്‌
14. ഗരം മസാല പൊടി അര ടീസ്പൂണ്‍
15. മല്ലിയില ആവശ്യത്തിനു
16. പുതിനയില ആവശ്യത്തിന്
17. നെയ്യ് അര കപ്പ്‌
18. ഉപ്പു പാകത്തിന്

പാകം ചെയ്യുന്ന വിധം

മട്ടന്‍ കഴുകി ഊറ്റിയ ശേഷം അതില്‍ പച്ച മുളക്, ഇഞ്ചി, വെളുത്തുള്ളി, മഞ്ഞള്‍ പൊടി, തേങ്ങാപാല്‍, പട്ട, ഗ്രാമ്പു, ഏലക്ക, ഉപ്പ്, ഒരു സവാള അരിഞ്ഞത്‌ എന്നിവ ചേര്‍ത്ത് കുക്കറില്‍ 15 മിനിറ്റ് അടച്ചു വേവിക്കണം. പിന്നീട് ചുവടു കട്ടിയുള്ള ഒരു പാത്രം ചൂടാകുമ്പോള്‍ നെയ്യൊഴിച്ച് നീളത്തില്‍ നേരിയതായി അരിഞ്ഞ സവാള ബ്രൌണ്‍ നിറത്തില്‍ വറുത്തു കോരണം. ഇതേ നെയ്യിലാണ് അണ്ടി പരിപ്പും കിസ്മിസും വറുത്തു കോരേണ്ടത്. തുടര്‍ന്ന് ശേഷിച്ച നെയ്യില്‍, കഴുകി ഊട്ടി വെച്ചിരിക്കുന്ന ബിരിയാണി അരി ഇട്ടു നന്നായി വറുക്കണം. അടുത്തതായി അരി മൂത്ത് കഴിയുമ്പോള്‍ മട്ടന്‍ അതിന്‍റെ ചാറോടുകൂടി അരിയില്‍ ചേര്‍‍ത്തിളക്കണം. ഇറച്ചി വെന്ത ചാറിന്റെ   അളവ് വേണ്ടത്ര ഉണ്ടോ എന്ന് നോക്കണം. സൂപ്പും വെള്ളവും കൂടി ഏകദേശം അഞ്ചു കപ്പു വേണം. അത്രയില്ലെങ്കില്‍ തിളപ്പിച്ചാറിയ വെള്ളം ചേര്‍ക്കണം. ഇതിനു ശേഷം ചെറിയ തീയിലിട്ടു ചോറ് വറ്റിചെടുക്കണം. ഇടയ്ക്കു ഇളക്കി കൊടുക്കകയും വേണം. തുടര്‍ന്ന് ഏകദേശം വെള്ളം വറ്റി ചോറ് വെന്തു കഴിഞ്ഞാല്‍ മല്ലിയില, പുതിനയില, വറുത്ത അണ്ടി പരിപ്പ്, കിസ്മിസ്, സവാള എന്നിവയുടെ  പകുതി ചേര്‍ത്ത് ഇളക്കണം. അല്പം ഗരം മസാലയും ചേര്‍ക്കണം. അവസാനമായി ചോറ് നല്ലവണ്ണം വെന്തു വെള്ളം വറ്റി കഴിയുമ്പോള്‍ തീ അണച്ച് വിളമ്പുന്ന പത്രത്തിലേക്ക്  മാറ്റണം . സവാള, കിസ്മിസ്, മല്ലിയില, പുതിന, അണ്ടി പരിപ്പ് എന്നിവ   ചേര്‍ത്ത് അലങ്കരിക്കാം.