ബാസ്മതി അരി അര കപ്പ്‌
ഗ്രീന്‍ പീസ്‌ ഇരുപതെണ്ണം
ബീന്‍സ് ചെറുതായി അരിഞ്ഞത് നാലെണ്ണം
കാരറ്റ് ഒരെണ്ണം
തക്കാളി ഒരെണ്ണം
ഉരുളകിഴങ്ങ് ഒരെണ്ണം
സവാള ഒരെണ്ണം
കുരുമുളക് 15 എണ്ണം
കറുവാപട്ട ( ഒരിഞ്ചു) ഒരു കഷണം
ഏലക്ക അഞ്ചെണ്ണം
ഗ്രാമ്പൂ അഞ്ചെണ്ണം.
നെയ്യ് നാല് ടീസ്പൂണ്‍
വെള്ളം ഒരു ലിറ്റര്‍
മഞ്ഞള്‍ ഒരു നുള്ള്
ഉപ്പ്‌ പാകത്തിന്
പാകം ചെയ്യുന്ന വിധം
കുക്കര്‍ ചൂടാകുമ്പോള്‍ നെയ്യൊഴിച്ച് അതില്‍ സവാളയിട്ട്‌ മൂപ്പിക്കണം. അതിനുശേഷം അതില്‍ എട്ടു മുതല്‍ പതിനൊന്നു വരെയുള്ള ചേരുവകള്‍ ഇടണം. വാസന വന്നാല്‍ രണ്ടു മുതല്‍ ആറ് വരെയുള്ള പച്ചക്കറികള്‍ അരിഞ്ഞതിട്ടു വഴറ്റണം. ഇതില്‍ വെള്ളമൊഴിച്ച് തിളപ്പിച്ച ശേഷം അരി കഴുകി വാരിയത് വെള്ളം കളഞ്ഞു ഇടണം. പാകത്തിന് ഉപ്പും ചേര്‍ക്കണം. തിളക്കുമ്പോള്‍ ഇളം തീയിലിട്ടു കുക്കറിന്റെ അടപ്പ് വെറുതെ അടച്ചാല്‍ മതി. അഞ്ചു മിനിട്ടിനു ശേഷം തീ കെടുത്താം. പ്രഷര്‍ പോയാല്‍ കുക്കര്‍ തുറന്നു പുലാവ് ഉപയോഗിക്കാം
