ചിക്കന്‍ എല്ല് കളഞ്ഞത് നാല് കപ്പ്‌
നൂഡില്‍സ് 200 ഗ്രാം
സവാള രണ്ടെണ്ണം
കാരറ്റ് നൂറു ഗ്രാം
ഇഞ്ചി ഒരു കഷണം
കാപ്സിക്കം രണ്ട്
മുളക് പൊടി രണ്ട് സ്പൂണ്‍
സോയ സോസ് രണ്ട് സ്പൂണ്‍
വെളുത്തുള്ളി ഒരു ചുള
എണ്ണ ആവശ്യത്തിന്‌
ഉപ്പ്‌ പാകത്തിന്
പാകം ചെയ്യുന്ന വിധം
ആദ്യമായി മുക്കാല്‍ ഭാഗത്തോളം നൂഡില്‍സ് എടുത്ത് തിളച്ച വെള്ളത്തിലിട്ടു വേവിച്ചു വെക്കണം. പിന്നീട് കാപ്സിക്കം, വെളുത്തുള്ളി, സവാള എന്നിവ കനം കുറച്ചു അരിഞ്ഞു വെക്കണം. ഇഞ്ചിയും കാരറ്റും നീളത്തില്‍ ചെറുതായി അരിഞ്ഞു വെക്കണം . അടുത്തതായി ചിക്കന്‍ എണ്ണയില്‍ മൂപ്പിച്ചു കോരണം. ശേഷം അരിഞ്ഞു വെച്ചിരുക്കുന്നവ ഓരോന്നായി വഴറ്റണം. ഇതില്‍ സോയ സോസും കുരുമുളക് പൊടിയും ചേര്‍ത്ത് ഇളക്കണം . പിന്നീട് വേവിച്ച നൂഡില്‍സും ഉപ്പും ചേര്‍ത്ത് ഇളക്കണം . തുടര്‍ന്ന് വെള്ളം വറ്റിച്ച ശേഷം ഇത് ഇറച്ചിയില്‍ ചേര്‍ത്ത് നല്ല വണ്ണം ഇളക്കണം. ശേഷിച്ച നൂഡില്‍സ് എണ്ണയില്‍ വറുത്തു ഇതിനു മുകളില്‍ വിതറണം.
